Inatsisartut ataatsimiinnerini inatsisartut ataatsimiittarfianni tusarnaartunut inissamik nittartakkami maanna inniminniisoqarsinnaalerpoq

Inatsisartut ataatsimiittarfianni ataatsimiinneq najuuffigerusukkaanni Inatsisartunut pulaartut inatsisartut ataatsimiittarfianni tusarnaartunut inissamik qarasaasiakkut maanna inniminniisinnaalerput. Taamatut nutaamik atortoqalernikkut pulaartut atorfilittallu tusarnaartunut inissanik inuttaqanngitsunik peqarnersoq aamma takusinnaassavaat inissanillu namminneq inniminniillutik. Pitsorluttuugaanni Inatsisartullu ataatsimiittarfiannut iserniarnermi ikiorteqarnissamik pisariaqartitsigaanni ilanngullugu paasissutissiissutigineqarsinnaavoq.

Inatsisartut nittartagaatigut maanna inniminniisoqarsinnaavoq, tassungalu iserfissaq saqqaani takusinnaavat. Taamatuttaaq inniminnigaq taamaatiinnarneqarsinnaavoq.

Pulaartussat inatsisartut ataatsimiittarfianni pulaarnissamik pilersaarusiornerat aammalu sammisat aalajangersimasut sammisalluunniit pineqartunut soqutiginaatillit immikkut oqaluuserineqarneranni najuukkusukkunik issiavissanik qulakkeerinissaat atortup nutaap taassuma ajornannginnerulersissavaa.

Atortoq nutaaq taanna Inatsisartunut pulaartussanit atorluarneqarumaartoq Inatsisartunit neriuutigineqarpoq.

Ikinngutinnersumik inuulluaqqusillunga

Kim Kielsen

Inatsisartut Siulittaasuat