Sanaartornermut ataatsimiititaliap Narsarsuarmut Qaqortumullu paasisassarsiorlutik angalanerat

Inatsisartut Sanaartornermut ataatsimiititaliap piffissami 5.-niit – 10. septemberimut Narsarsuarmut Qaqortumullu paasisassarsiorlutik angalanertik ingerlappaat.

Qaqortumi mittarfittaassamik sanaartorneq Narsarsuarmilu mittarfiup suliaanik annikillisitsilluni heliportinngortitsisoqarniarnera angalanermut peqqutaapput.

Ataatsimiititaliap angalanermini Qaqortumi mittarfittaassaq alakkarpaa Narsarsuarmilu innuttaasunik ataatsimiisitsisoqarpoq, tassani borgmesteri nunaqarfimmilu aqutsisut peqataapput.

Taamatuttaaq kommunimi sanaartugassatut pilersaarutit pillugit ataatsimiititaliamut paasissutissiissutigineqarput Qorlortorsuarmilu erngup nukissiorfia alakkarneqarpoq.

Ataatsimiititaliap Greenland Airports aamma Nukissiorfiit, immikkoortumullu sanaartornerup iluani ineriartornermut annertuumik sunniuteqarfigineqartussat soqutigisaqatigiit arlallit aamma naapinneqarput, soorlu Royal Arctic Line A/S, Arctic Prime Fisheries ApS, Innovation South Greenland aamma Narsarsuarmi Katersugaasivik.

Naggataatigut ataatsimiititaliap paasisassarsiorluni angalaneranut assigiinngitsutigut tapersiisimasut ataatsimiititaliap qutsavigerusuppai. Paasissutissat pissarsiarineqartut ataatsimiititaliap suleriaqqinnerani atorneqarumaarput.

Gerth Mikaelsen

Sanaartornermut ataatsimiititaliami Siulittaasup tullia

Annertunerusumik paasissutissanik pisarsiniaraanni Sanaartornermut ataatsimiititaliap

Siulittaasup tullianut mobil +299 59 82 79-imut attaveqartoqarsinnaavoq