Ullormut oqaluuserisassat
Ullut ataatsimiiffiusut aqqarnat, sisamanngorneq 9. oktobarip 2025, nal. 11:00 (Immikkoortoq 1)
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Oqaluuserisassanut nassuiaat.
Inatsisartut Siulittaasoqarfiat
Imm./pkt.: 57
Suliffissarsiortunut ikiorsiissutit pillugit Inatsisartut Inatsisaata allanngortinneqarnissaa pillugu siunnersuummik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut, taamaalillutik suliffissarsiortut, tulluarsaqatigiinni 1-imut inissinneqarsimasut taamatullu suleriaannaasut, suliffissarsiortutut ikiorsiissutinik pisinnaassanatik, suliffissarsiortup suliffik ilinniarsimanngitsunit suliffigineqarsinnaasoq itigartitsissutigippagu.
Inatsisartunut ilaasortaq Bo Martinsen, Demokraatit
Imm./pkt.: 145
Pisortat suliffeqarfiutaanni tamani inuttassarsiuussinerit suliamut tunngasumik piginnaasaqarnissaat piumasaqaataassaaq, kalaallit oqaasinik piginnaasaqarneq ilanngullugu kiisalu kalaallit kulturiannut kalaallillu inuiaqatigiivinut ilisimasaqarnissaat pillugit Naalakkersuisut Inatsisartunut inatsisissamik suliaqaqqullugit peqquneqarnissaannik Inatsisartut aalajangiiffigisassaattut siunnersuut.
Inatsimmut siunnersuut UKA2026-mi kingusinnerpaamik saqqummiunneqassaaq.
Inatsimmut siunnersuut UKA2026-mi kingusinnerpaamik saqqummiunneqassaaq.
Inatsisartuni Naleqqap Gruppia, Naleraq
Imm./pkt.: 147
Pisortat ingerlatsiviini kalaallit oqaasiisa pisortatigoortumik atuutsinneqalernissaasa saniatigut oqaatsit nutserneqartarnissaannut piumasaqaatip peersinneqarnissaa pillugu Naalakkersuisut allannguutissamik siunnersuummik suliaqaqqullugit Inatsisartut aalajangiiffigisassaattut siunnersuut.
Inatsisartunut ilaasortaq Pele Broberg, Naleraq
Imm./pkt.: 87
Utoqqaat pillugit siunnersuisooqatigiinnik kommunit tamarmik kingusinnerpaamik ukiakkut ataatsimiinnermi 2027-mi peqalernissaannut Naalakkersuisut inatsimmik siunnersuuteqarnissaannut peqqunneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Jens NapãtôK’ Naleraq
Imm./pkt.: 93
Utoqqarnut inatsimmik ataatsimik pilersitsisoqarnissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Mariane Paviasen Jensen, Inuit Ataqatigiit