Ullormut oqaluuserisassat
Ullut ataatsimiiffiusut 28-iat, sisamanngorneq 5. februaarip 2026, nal. 11:00 (Immikkoortoq 2)
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Oqaluuserisassanut nassuiaat.
Inatsisartut Siulittaasoqarfiat
Imm./pkt.: 171
Meeqqat 18-inik ukioqalernissami tungaanut pisortat ingerlataannik angalatitsiviit aqqutigalugit angalasussaatillutik meeqqatut akeqalernissaat, aningaasatigut qanoq naleqassanersoq Naalakkersuisut misissuinissaannik Inatsisartut aalajangiiffigisassatut siunnersuut. Misissuineq meeqqat akikinnermik angalasarnerannut malittarisassat allanngortinnissaannik tunngaviliissaaq, kingusinnerpaammilu UPA2025-mi inatsisartunut saqqummiunneqassalluni.
Inatsisartunut ilaasortaq Jens NapãtôK, Naleraq
Imm./pkt.: 172
Soraarninngornikut pisortat ingerlataannik angalatitsiviit aqqutigalugit akikinnerusumik angalasinnaanerat ukioq naallugu atuutilerpat aammalu soraarnerussutisiaqartunut billetsit ukioq kaajallallugu killeqanngitsumik pisiassaasinnaalerpata, soraarnerussutisiaqartut akikinnerusumik angalasarnerannut malittarisassat allanngortinnissaat siunertaralugu, qanoq naleqassanersoq Naalakkersuisut misissuinissaannik Inatsisartut aalajangiiffigisassatut siunnersuut. Misissuineq kingusinnerpaamik UPA2026-mi inatsisartunut saqqummiunneqassaaq.
Inatsisartunut ilaasortaq Jens NapãtôK, Naleraq
Imm./pkt.: 135
Kalaallit Nunaanni nunaqarfinni tamani ingerlatsinissamut akuersissuteqarfiullutik qulimiguulinnut mittarfinnik pilersitsinissamut, pioreersunillu aserfallatsaaliuinissamut, kingusinnerpaamik UKA2026-mut, Naalakkersuisut sanaartornissamut pilersaarusiornissaannut (projektering) peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Jens NapãtôK’, Naleraq
Imm./pkt.: 177
Ittoqqortoormiinut Ittoqqortoormiiniillu angalanissat pitsanngorsaavigineqarnissaat pillugu Naalakkersuisut nalunaarusiornissamik peqquneqarnissaannik Inatsisartut aalajangigassaattut siunnersuut. Nalunaarusiami aningaasaliissuteqarnissamut periarfissat ilanngunneqassapput.
Nalunaarusiaq upernaami ataatsimiinnermi 2026-mi Inatsisartunut agguaanneqassaaq.
Nalunaarusiaq upernaami ataatsimiinnermi 2026-mi Inatsisartunut agguaanneqassaaq.
Inatsisartunut ilaasortaq Mette Arqe-Hammeken, Naleraq
Imm./pkt.: 146
Greenland Airports International A/S-imi piginnissutsit tamakkerlugit
pissarsiarinissaat siunertaralugu, Naalakkersuisut naalagaaffiup oqartussaasuinut (Rigsmyndighederne) saaffiginninnissaannut peqquneqarnissaannik Inatsisartut aalajangiiffigisassaattut siunnersuut.
pissarsiarinissaat siunertaralugu, Naalakkersuisut naalagaaffiup oqartussaasuinut (Rigsmyndighederne) saaffiginninnissaannut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortaq Pele Broberg, Naleraq
Imm./pkt.: 77
Siunissaq qaninneq eqqarsaatigalugu qaleraleqarfik Sermiligaap piorsaaviginissaa pillugu oqallisissiatut siunnersuut
Inatsisartunut ilaasortaq Gerth Mikaelsen, Naleraq
Imm./pkt.: 124
Nunatta avataanit suliartortunut akuutitsinerulersinnaaneq pillugu pilersaaruteqalernissaq qanoq ilusilerneqarsinnaanersoq pillugu apeqquteqaat aallaavingalugu oqallisissiatut siunnersuut.
Inatsisartunut ilaasortaq, Aqqalu C. Jerimiassen, Atassut
Imm./pkt.: 98
Meeqqanut ulloq unnuarlu paaqqinniffinnik pilersitsineq ingerlatsinerlu pillugit Namminersorlutik Oqartussat nalunaarutaat 31.08. 2021-imeersup sukaterneqarsinnaaneranik meeqqallu angerlarsimaffiup ulloq unnuarlu angerlarsimaffimmut inissinneqarsimasut atugaasa ukkatariaqarnerunissaat siunertaralugu apeqquteqaat aallaavingalugu oqallinnissamik siunnersuut.
Inatsiartunut ilaasortat, Paarma Lund Kreutzmann, Iddimanngiiu Bianco Jensen, Inuit Ataqatigiit
Imm./pkt.: 128
Imaatigut assartuinermi akit qanoq nalimmassarneqarsinnaaneri pillugu apeqquteqaat aallaavingalugu siunnersuut.
Inatsisartunut ilaasortaq Knud Kleemann, Atassut
Imm./pkt.: 132
Pilersaarusiorneq aamma nunaminertat atorneqartarnerat pillugit Inatsisartut inatsisaat nr.17 17. november 2010-meersoq nutaamik eqaannerusumillu iluseqalersinnaaqqullugu apeqquteqaat aallaavigalugu oqallisissiaq.
Inatsisartunut ilaasortaq Aqqalu C. Jerimiassen, Atassut