Ullormut oqaluuserisassat

Oqaluuserisassanut nassuiaat.

Uunga siunnersuut aatsitassat pillugit ingerlatallu tamatumunnga pingaarutillit pillugit inatsisartut inatsisaata (aatsitassanut ikummatissanullu inatsit) allanngortinneqarnera pillugu Inatsisartut inatsisaat (Aatsitassanut Ikummatissanullu Aqutsisoqarfik aamma Aatsitassanik Suliassaqarfinnut Avatangiisinut Aqutsisoqarfik pillugit aalajangersakkat atorunnaarsinneqarnerat)

Uunga siunnersuut aatsitassanut tunngasunik suliaqarneq pillugu Inatsisartut inatsisaata allanngortinneqarnera pillugu Inatsisartut inatsisaat (Aatsitassanut Ikummatissanullu Aqutsisoqarfik aamma Aatsitassanik Suliassaqarfinnut Avatangiisinut Aqutsisoqarfik pillugit aalajangersakkat atorunnaarsinneqarnerat, kiisalu kukkusumik innersuussinerup naqqinneqarnera)

Nunatsinni atuarfinnut namminersortunut aningaasatigut tapiissuteqartannginnissamut Naalakkersuisut inatsisissatut siunnersuummik suliaqaqqullugit Inatsisartut aalajangiiffigisassaattut siunnersuut. Inatsisissatut siunnersuut kingusinnerpaamik UKA2026-mi saqqummiunneqassaaq.

Tuluit oqaasii allamiut oqaasiini sallersatut atuutsinneqariartornissaannut, aammalu danskit oqaasii atuartitsinermi oqaatsitut pinngitsooranilu atuartitsissutissatut atorunnaarsinneqariartornissaannut Naalakkersuisut iliuusissanik pilersaarusiornissamut peqquneqarnissaannik Inatsisartut aalajangiiffigisassaattut siunnersuut.

Siunissami pisariaqartitsinerup qulakkeerneqarnissaa siunertaralugu Ilisimatusarfimmi ilinniarfeqarfiup illutaatalu annertusineqarneranni aningaasaqarnikkut allaffissornikkullu kingunerisassat misissorneqarnerannik imaqartumik nassuiaasiornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. Nassuiaammut atatillugu sukumiisumik misissorneqassaaq, danskit nunanilu allani aningaasaateqarfiit assigisaallu aningaasalersorneranut akuutinneqarsinnaanersut. Nassuiaat Inatsisartunut agguaanneqassaaq 1. januar 2027 nallertinnagu.

Naartunermi, erninermi meeravissiartaarnermilu sulinngiffeqartarneq pillugu anaanaasut tamarmik sapaatip akunneranut akunnernik 40-nik erninerminnik, sapaatit akunnerini 19-ini, siornatigut suliffigisimasaq apeqqutaatinnagu ullormusiaqarnissaasa pisinnaatitaaffigilernissaannut, Inatsisartut inatsisaasa allanngortinnissaanut Naalakkersuisut peqquneqarnissaannik Inatsisartut aalajangiiffigisassaattut siunnersuut.

Aningaasarsianik akileraarutit pillugit Inatsisartut inatsisaata allanngortinneqarneranik Inatsisartut inatsisissaattut siunnersuut

Soraarnerussutisiaqarnissamut aaqqissuussinermut pinngitsoorani ilaanissaq pillugu Inatsisartut inatsisaata allanngortinneqarneranik Inatsisartut inatsisissaattut siunnersuut

Naalagaaffinngornissamut Naalakkersuisoqarfiup taaguutitigut suussusaatalu atorunnaarsinneqarsimanera tulluarnersoq pillugu apeqquteqaat aallaavigalugu oqallinnissamik siunnersuut.

Nunatsinni namminersorneq pillugu inatsit qanoq nutarterneqarsinnaanera ullutsinnut naleqqussarlugu apeqquteqaat aallaavigalugu siunnersuut.

Nunanut allanut oqartussaaffiitta annerulersinneqarnissaa siunertaralugu apeqquteqaat aallaavigalugu oqallisissiaq.

Pisortat suliffeqarfiutaani aasaanerani piffissat suliffiusartut nalilersorneqarsinnaanissaat pillugu apeqquteqaat aallaavingalugu oqallisissiassatut siunnersuut.